Jer 31 | ZomZIV | STEP | “Tua hun ciangin Israel bawng’te khempeuh Pasian ka hi dinga, amaute ka mi a hi ding uh hi,” TOPA in cikhia hi.

Jeremiah 31

1 “Tua hun ciangin Israel bawng’te khempeuh Pasian ka hi dinga, amaute ka mi a hi ding uh hi,” TOPA in cikhia hi. ^a

2 Hih in TOPA gen ahi hi:

“Namsau-a kithat lo sunte,
sehnel-gam ah ki-angvan dinga;
Israel ka tawlngasak ding hi,” a ci hi. ^b

3 A beisa ^{▼▼31.3 Ahikeh a gamla panin TOPA} hunin eite tungah TOPA hong kilang a:

“Keimah in tawntung itna in nang kong it a, ^d
a migi itna in nang kong kai zo hi. ^e
4 Nungak bit Israel aw, ^f
nang kong lam kik dinga, nang na kilampha ding hi.
Na khuangte kuah kikin ^g
gualnuama lam dingin na kuan ding hi. ^h
5 Samaria mualneute tungah
lenggui na suan kik dinga,
lokhote in tuate suanin
a gah ne-in nuam a sa ding uh hi. ⁱ
6 Ephraim mualte tungpan in galvilte in,
‘Hong pai un eite Pasian, TOPA kiang
Zion ah paito ni,’ ^j
ci-a a kiko hun uh hong tung ding hi,” a ci hi.

7 Hih in TOPA gen ahi hi:

“Jacob adingin lungdamin la sa un;
minamte lakah a madawkpen adingin kiko un. ^k
Na phatna uh kiza henla,
‘TOPA aw, a baanglai
na mi Israel-te honkhia in,’ ci un.
8 En un, leilulam panin kongpuak dinga, ^l
lei mongte panin kong kailkawm ding hi. ^m
Amaute lakah mittaw le khebaite, ⁿ
nupi gai lai le numei nausuak kuante kihel ding uh hi;
mihon tampi hong ciah kik ding uh hi.
9 Amaute kap kawmin hong pai ding uh a;
amaute ka puak kik kawmin thu a ngen ding uh hi.
Tui omna lui gei-ah amaute ka pi dinga ^o
lam sialsa totpihin amaute a tuk kei ding uh hi; ^p
bang hang hiam cih leh Israel-te’ pa ka hi a,
Ephraim ka tapa upapen ahi hi.
10 “Minamte aw, TOPA kammal za unla,
tuipi gei gamlapi ah tangko un: ^q
‘Israel a thehthangpa in amaute kaikhawm kik dinga, ^r
tuucingpa in a tuuhonte a cin bangin a cing ding hi,’ ci un. ^s
11 Ahang in, TOPA in Jacob tatman pia dinga,
amaute sanga hatzawte khut panin a tankhia ding hi. ^t
12 Amaute hong pai ding uh a, Zion asannate tungah lungnuamin kiko ding uh hi; ^u
amaute TOPA nopsakna -
buh, zuthak le sathau, ^v
tuuno, bawngnote hangin nuam a sa ding uh hi.
Amaute hoihtakin tui kibuak huan tawh kibang ding uh a,
a dah kik nawn kei ding uh hi. ^w
13 Tua ciangin nungakte lam ding uh a,
tangvalte le uhamte in a kibangin nuam a sa ding uh hi.
Amaute thumna, nuamna ka suaksak dinga; ^x
amaute hehnemin a dahna tangun amaute ka lungnuamsak ding hi.
14 Siampite cinghtakin ka taisak dinga, ^y
ka mite ka hauhna tawh a dim ding uh hi,”

TOPA in cikhia hi.

15 Hih in TOPA gen ahi hi:

“Ramah gamah kahna le
nakpi-a mauna kiza hi.
Rachel in a tate a kahkah hangin
khat beek om nawn lo ahi manin ^z
kihehnem zo lo hi,” a ci hi. ^aa

16 Hih in TOPA gen ahi hi:

“Na sepna uh hangin
pahtakman hong kipia ding ahi manin ^ab
kap nawn kei unla na khitui uh nul un,”

TOPA in cikhia hi.
“Galgam panin amaute hong ciah kik ding uh hi.
17 Tua ahi ciangin mailam ah note adingin lametna a om hi,” ^ac

TOPA in cikhia hi.
“Na tate uh amau gamah ciah kik ding uh hi. ^ad
18 “Ephraim thumna ka za khin a:
‘Nang in bawngno sinloh bangin kei nong seka, ^ae
kei ka kisekta hi.
Nang, ka TOPA ka Pasian na hi manin
a ngei hong bangsak in, kong ciah kik ding hi.
19 Ka lampial nungin ^af
ka kisik hi;
ka theihtel nungin
ka awm ka tum hi. ^ag
Ka neu lai-a ka maimawlna teng thuak ka hi manin ^ah
ka maizumin ka maimawl hi.
20 Ka it ka tapa Ephraim aw,
ka lungkimna ta hi lo na hi hiam?
Amah ka langgen zongin
ka phawk veve hi. ^ai
Tua ahi ciangin ama ading ka deihsak lua a;
amah ka khuatuahna lian mahmah hi,” ^aj

TOPA in cikhia hi.
21 “Lamlahnate phut inla;
lamlak khuamte posak in.
Na va paina
lam lianpi ciamteh in.
Nungakbit Israel aw, hong ciah kik in; ^ak
na khuapite ah hong ciah kik in.
22 A muanhuai lo tanu aw, ^al
bang tanvei vakvak lai ding na hi hiam?
TOPA in leitungah na thak khat piangsak ding a - ^am
numei khat in pasal khat a umcih ding hi,” ^{▼▼31.22 Ahikeh paikhia in zong dinga ahikeh dal ding} a ci hi. ^ao

23 Hih in Thahatpen TOPA Israel Pasian gen ahi hi: “Amaute saltanna ^{▼▼31.23 Ahikeh Amaute mailam a ngei ka bangsak hi} pan ka suahtaksak kik ciangin, Judah gam le a khuapite a om mite in, ‘Thumaan a tenna aw, Mual siangtho aw, TOPA in nang thupha hong pia hi, a cih kammal a zang kik ding uh hi,’ ci hi. 24 Judah gam le a khuapite ah - lokhote le a tuuhonte uh tawh a vak kawikawite tengkhawm ding uh hi. 25 A gimte ka tawldamsak dinga, a bahte an khamtakin ka vak ding hi,” a ci hi. ^aq

26 Tua laitakin ka khanglo a ka kim ka pam ka khuadak hi. Ka ihmut a nuam mahmah hi. ^ar

27 TOPA in cikhia hi, “Israel innkuan le Judah innkuan ah mihing le ganhing suan le khak ka suan hun hong tung ding hi. 28 Amaute ka en dinga, ka bawhkhiatna, ka balzanna, lawnkhia in, susia-a gimna ka thuaksak bang tektek in amaute ka en dinga, lam kikin ka suanpha ding hi,” TOPA in cikhia hi. 29 Tua ni ciangin mite in, ^as

‘A pa lenggah thuk nek a ta’ ha kim hi’ ^at
ci nawn lo ding uh hi.

30 Tua sangsikin mi khempeuh amau mawhna hangin a siciat ding uh hi; lenggah thuk a nete - a ma ha mah a kim ding hi. ^au

31 TOPA in cikhia hi,
“Kei mahmah in Israel innkuante le
Judah innkuante tawh
thukhun thak ka bawl hun hong tung ding hi. ^av
32 Tua ciangin a pu a pate a khutuah lenin
Egypt panin ka paikhiatpih lai-a
amaute tawh ka bawl
thukhun bang ahi kei ding hi;
bang hang hiam cih leh amaute ^{▼▼31.32 Hebrew, Septuagint le Syriac ah thukhun / tuateh / tua pan ka kiheisan} pasal ^{▼▼31.32 Ahikeh amaute pu} ka hih hangin ^ay
ka thukhun a palsat uh hi,”

TOPA in cikhia hi.
33 “Hih in tua hun khit cianga Israel innkuante tawh
ka bawl ding thukhun ahi hi,” TOPA in cikhia hi.
“Amaute lungsim ah ka thukham ka koih dinga,
amaute lungtang tungah ka gelh ding hi.
Amaute Pasian ka hi dinga,
amaute ka mi hi ding uh hi.
34 Kuamah in a vengte ahi zongin
a sanggampa ahi zongin hilhin, ‘TOPA thei in’ a ci nawn kei ding hi; ^az
bang hang hiam cih leh amaute in
a neupen pan a lianpen dongin kei hong thei ta ding uh hi,’

TOPA in ci hi.
Ahang in, amaute gitlohnate ka maisak dinga, ^ba
amawhnate uh ka ciamteh nawn kei ding hi,” a ci hi. ^bb

35 Hih in TOPA gen ahi hi,

suna ni a tangsak
amah hi a,
zanin kha le aksite
a tan nadingin thupia-in ^bc
tuipi hualte
a hawk nadingin a lokpa - ^bd
a min Thahatpen TOPA ahi hi. ^be
36 “Hih thukipte ka muhna pan a man ciangin
Israel suante a minam panun
ka mai-ah a mang pan bek ding uh hi,” ^bf
TOPA in cikhia hi.

37 Hih in TOPA gen ahi hi:

“Tunga om vante a kiteh theih ciang leh ^bg
leitung bulpi a kizonkhiat theih ciang bekin
amau gamtatnasate hangin
Israel suante khempeuh ka nial pan ding hi,” ^bh

TOPA in cikhia hi.

38 TOPA in cikhia hi, “Kei adingin hih khuapi Hananel Tausang panin Kiu Kongpi dong a kilam phat hun hong tung ding hi. 39 Tua lai panin Gareb mual lamah tangtakin kiteh to dinga, tuateh Goah lamah a kihei ding hi. 40 Misiluangte le vut kipaihna kuam buppi le Kidron Kuam a locial khempeuh Sakol Kongpi kiu ciang dong TOPA adingin munsiangtho ahi ding hi. Tua khuapi cikmah hunin kisusia loin a kisuankhia ngei nawn kei ding hi.” ^bi